ბათუმში, დღეს კონფერენცია, თემაზე „გულ-სისხლძარღვთა დაავადებები და ინტერვენციული მედიცინა - მიღწევები და გამოწვევები“ გაიმართა, რომელსაც ორგანიზებას ბათუმის სამედიცინო უნივერსიტეტი „ავიცენა“ უწევდა. ამის შესახებ ინფორმაციას აჭარის ჯანდაცვის სამინისტრო ავრცელებს.

უწყების ცნობით, კონფერენციის გახსნის ცერემონიას აჭარის ჯანდაცვის მინისტრი ნინო ნიჟარაძე და პირველი მოადგილე მარი ზანაქიძე ესწრებოდნენ.

მინისტრი მონაწილეებს სიტყვით მიესალმა და აჭარის ჯანდაცვის სამინისტროს პროგრამის - „გულის ქირურგიის დამატებითი სამედიცინო მომსახურების" შესახებ ისაუბრა.

„აჭარაში, საყოველთაო ჯანდაცვის პროგრამით და სამინისტროს თანადაფინანსებით, სრულად იფარება გულის ქირურგია. 100 %-მდეა გაიზრდილი იმ სამედიცინო მომსახურების დაფინანსება, რომელიც არ არის განსაზღვრული DRG მეთოდით. ასევე, გულის და კორონალური არტერიების გეგმიური ანგიოგრაფია. პროგრამის ბიუჯეტი ყოველწლიურად მზარდია, მაქსიმალურად ვცდილობთ, ხელი შევუწყოთ თანამედროვე სერვისების დანერგვას. მინდა, მადლობა გადაგიხადოთ ყველა თქვენთაგანს და წარმატებები გისურვოთ“, - აღნიშნა ნინო ნიჟარაძემ.

კონფერენციას ასევე წამყვანი კარდიოქირურგები, სამედიცინო სფეროს წარმომადგენლები და მოწვეული ოფიციალური პირები ესწრებოდნენ.

ავტორი: NS (სტატია დაფინანსებულია),

სოციალური ქსელები

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია

საერთაშორისო განათლების ახალი შესაძლებლობები - საქართველოს ბანკისა და LEAF-ის ახალი პარტნიორობა

მაუწყებლებს, რომლებსაც საინფორმაციო გამოშვება არ აქვთ, უცხოური დაფინანსების მიღება აღარ აეკრძალებათ