სამცხე-ჯავახეთში სახელმწიფო რწმუნებული, ბესიკ ამირანაშვილი ერთიანი ეროვნული გამოცდების დაწყებას ეხმაურება და აბიტურიენტებს წარმატებებს უსურვებს. 

მისი თქმით, ახალციხეში გახსნილ საგამოცდო ცენტრში, ისევე როგორც სხვა 11 ქალაქში, ყველა პირობაა შექმნილი, რათა აბიტურიენტებმა მშვიდ და შესაბამის გარემოში შეძლონ გამოცდების ჩაბარება.

"დღეს ერთიანი ეროვნული გამოცდები დაიწყო. ქვეყნის მასშტაბით საგამოცდო ცენტრები 12 ქალაქშია გახსნილი. მათ შორის, ახალციხეშიც, სადაც შესაბამისი პირობებია შექმნილი, რათა ჩვენმა აბიტურიენტებმა მშვიდ გარემოში შეძლონ საკუთარი უნარებისა და შესაძლებლობების მაქსიმალური გამოვლენა.

მინდა თითოეულ აბიტურიენტს, განსაკუთრებით სამცხე-ჯავახეთის ახალგაზრდებს, ვუსურვო გამოცდების წარმატებით ჩაბარება და სწავლის სასურველ უნივერსიტეტში გაგრძელება. მჯერა, თქვენი სურვილები, სულ მალე რეალობად იქცევა და თქვენი ცოდნით, შრომისმოყვარეობითა და პატრიოტიზმით მნიშვნელოვან წვლილს შეიტანთ ქვეყნის განვითარების გზაზე", - განაცხადა ბესიკ ამირანაშვილმა, რომლის კომენტარსაც სამცხე-ჯავახეთის სახელმწიფო რწმუნებულის ადმინისტრაცია ავრცელებს.

ცნობისთვის, დღეს ერთიანი ეროვნული გამოცდები ქართული ენისა და ლიტერატურის გამოცდით დაიწყოб 26 ივლისს კიб ფიზიკის გამოცდით დასრულდება. საქართველოს მასშტაბით, 12 ქალაქში 24 საგამოცდო ცენტრია გახსნილი, რომელიც 47 000-ზე მეტ აბიტურიენტს მიიღებს.

ავტორი: NS (სტატია დაფინანსებულია),

სოციალური ქსელები

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია

საერთაშორისო განათლების ახალი შესაძლებლობები - საქართველოს ბანკისა და LEAF-ის ახალი პარტნიორობა

მაუწყებლებს, რომლებსაც საინფორმაციო გამოშვება არ აქვთ, უცხოური დაფინანსების მიღება აღარ აეკრძალებათ