2024-07-02 14:56:39, 457 ნახვა
საზოგადოება
თავდაცვის სამინისტრო - „სუ-25“-მა კატასტროფა განიცადა - დაღუპულია პილოტი
მიმდინარე წლის 2 ივლისს, ერთ-ერთი გეგმიური სამხედრო სწავლების დროს, რომელშიც ჩართული იყო საავიაციო კომპონენტი, თავდაცვის ძალების კუთვნილმა ერთ-ერთმა საფრენმა აპარატმა კატასტროფა განიცადა. ამის შესახებ თავდაცვის სამინისტრო განცხადებას ავრცელებს.
უწყების ცნობით, "სუ-25" კატასტროფის შედეგად, ტრაგიკულად დაიღუპა თავდაცვის ძალების ავიაციისა და საჰაერო სარდლობის პილოტი კახაბერ ზურაბაშვილი.
"აღნიშნული შემთხვევის მიზეზების დადგენის მიზნით, თავდაცვის უწყების შესაბამისი სამსახურები აწარმოებენ დეტალურ გამოკვლევას.
თავდაცვის სამინისტრო მწუხარებას გამოთქვამს ტრაგიკული შემთხვევის გამო და უსამძიმრებს დაღუპული პილოტის ოჯახსა და ახლობლებს",- ნათქვამია თავდაცვის სამინისტროს განცხადებაში.
ავტორი: ექსპრესნიუსი,
epn.ge (@expressnews.ge)
