ეს არ არის ჩემი ცხოვრების საუკეთესო ღამე, თუმცა დილა მშვიდობიანია,-ამის შესახებ რუსეთის ფედერაციის პრეზიდენტმა ვლადიმერ პუტინმა ნორმანდიული ოთხეულის შეხვედრის დასრულების შემდეგ განაცხადა.
მან 16 საათიანი მოლაპარაკების შედეგად მიღწეულ შეთანხმებებზე ისაუბრა.
"ეს არ არის ჩემი ცხოვრების საუკეთესო ღამე, თუმცა დილა, ჩემი აზრით, მშვიდობიანია.იმიტომ, რომ მიუხედავად მოლაპარაკებების პროცესის სირთულისა, ჩვენ მაინც მოვახერხეთ შევთანხმებულიყავით მთავარზე.მოლაპარაკება დიდხანს გაგრძელდა იმის გამო, რომ კიევი ამ დრომდე არ თანხმდება, პირდაპირი კონტქატი დაამყაროს დონეცკისა და ლუგანსკის რესპუბლიკების წარმომადგენლებთან.მთელი ღამის განმავლობაში ჩვენ ბევრ რამეზე შევთანხმდით.პირველი- ეს არის ცეცხლის შეწყევტა 15 თებერვალს 12 საათიდან, მეორე- ჩემი აზრით მნიშვნელოვანი შეთანხმებაა, მძიმე ტექნიკის გამოყვანა ფრონტის ხაზიდან.შემდეგია საკონსტიტუციო რეფორმა, რომელშიც გათვალისწინებული იქნება დონბასში მცხოვრები ადამიანების კანონიერი უფლებები.დონეცკისა და ლუგანსკის განსაკუთრებული სტატუსის შესახებ მიღებული კანონის ამოქმედება",-განაცხადა ვლადიმერ პუტინმა.
ცნობისთვის, მინსკში ნორმანდიული ოთხეულის შეხვედრა 16 საათის განმავლობაში დახურულ კარს მიღმა მიმდინარეობდა. მასში მონაწილეობა გერმანიის კანცლერმა ანგელა მერკელმა, საფრანგეთის პრეზიდენტმა ფრანსუა ოლანდმა, უკრაინის პრეზიდენტმა პეტრო პოროშენკომ და რუსეთის პრეზიდენტმა ვლადიმერ პუტინმა მიიღო. მოლაპარაკების შედეგად დადგინდა, რომ საომარი მოქმედების პირველი ხაზიდან როგორც სეპარატისტების, ასევე უკრაინული არმიის მძიმე ტექნიკა გაყვანილი იქნება და 15 თებერვალს 12 საათიდან  ცეცხლი შეწყდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან