რუსეთმა უკრაინას ზიანის ანაზღაურების სახით 486 მილიარდი დოლარი უნდა გადაუხადოს. ამის შესახებ იტალიაში გამართული სამიტის შემდეგ, "დიდი შვიდეულის" ქვეყნებმა განაცხადეს.

განცხადების მიხედვით, თანხა მსოფლიო ბანკის თებერვლის დათვლის მონაცემებს ეფუძნება . 

"დიდი შვიდეული" შეთანხმდა, რომ ამ ქვეყნებში რუსული აქტივები გაყინული დარჩება მანამ, სანამ მოსკოვი არ შეწყვეტს აგრესიას უკრაინის წინააღმდეგ და არ აანაზღაურებს მიყენებულ ზარალს.

"ჩვენ ვაგრძელებთ და უმკაცრესად ვგმობთ რუსეთის მიერ საერთაშორისო სამართლის უხეშ დარღვევას, მათ შორის გაეროს წესდებას და საერთაშორისო წესრიგის საფუძვლად არსებულ ფუნდამენტურ პრინციპებს", - განაცხადეს G7-ის ქვეყნებმა. 

G7-ის ქვეყნებმა ასევე დაგმეს რუსეთის "უპასუხისმგებლო და მუქარისშემცველი ბირთვული რიტორიკა".

მათივე გადაწყვეტილებით, გაყინული რუსული აქტივებიდან უკრაინას სესხის სახით 50 მილიარდი დოლარი გადაეცემა. 

აღსანიშნავია, რომ დასავლეთის ქვეყნებში, დაახლოებით 300 მილიარდი დოლარის რუსული აქტივებია გაყინული.

ავტორი: ექსპრესნიუსი,

სოციალური ქსელები

რა წერია საქართველოს შესახებ PACE-ს რეზოლუციაში - სრულად

გენერალური პროკურორი: ექიმ ჩახუნაშვილს არჩევანი აქვს: აღიაროს დანაშაული და მოინანიოს

35 წლის ნინო მუჯირი პირველ სამშობიარო სახლში გარდაიცვალა, ოჯახი პერსონალის დასჯას ითხოვს

პესკოვი: ჯერ კიდევ გაურკვეველია, თუ რას უხელმძღვანელებს ცხინვალის „ყოფილი ლიდერი“