ტაივანთან მშვიდობიანი გაერთიანების პერსპექტივას სულ უფრო მეტად ანადგურებენ ტაივანელი სეპარატისტები და გარე ძალები,- ამის შესახებ ჩინეთის სახალხო რესპუბლიკის თავდაცვის მინისტრმა, დონ ჯუნმა სინგაპურში განაცხადა.

როგორც მინისტრმა კონფერენციაზე, სახელწოდებით "შანგრი-ლას დიალოგი" სიტყვით გამოსვლისას აღნიშნა, ტაივანი ჩინეთისთვის არის "ძირითადი საკითხების ბირთვი", მაგრამ ტაივანის მმართველი "დემოკრატიული პროგრესული პარტია" აგრძელებს "სეპარატიზმს და ცდილობს, ჩინური იდენტობა წაშალოს".

"ამ სეპარატისტებმა ცოტა ხნის წინ გააკეთეს ფანატიკური განცხადებები, რომლებიც აჩვენებს მათ ღალატს ჩინელი ერისა და მათი წინაპრების მიმართ. მათ ისტორია სირცხვილის ბოძზე გააკრავს",- თქვა თავდაცვის მინისტრმა.

დონ ჯუნმა ამერიკის შეერთებული შტატების მიერ ტაივანისთვის იარაღის მიყიდვას ჩინეთის "წითელი ხაზების" გამოცდა უწოდა.

"ისინი ტაივანისთვის უმარავი იარაღის მიყიდვას ახორციელებენ. ასეთი ქცევა ძალიან არასწორ სიგნალებს უგზავნის ტაივანის დამოუკიდებლობის მომხრე ძალებს და აიძულებს მათ, ძალიან აგრესიულები გახდნენ. ვფიქრობ, ჩვენ ნათლად გვესმის, რომ უცხოური ძალების ნამდვილი მიზანია, ტაივანის გამოყენება ჩინეთის შესაკავებლად",- თქვა მინისტრმა.

ავტორი: ექსპრესნიუსი,

სოციალური ქსელები

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი