მიუნხენის უსაფრთხოების კონფერენციის ფარგლებში, 2016 წლის 12 თებერვალს გაიმართა საქართველოს საგარეო საქმეთა მინისტრის, მიხეილ ჯანელიძის შეხვედრა ჩეხეთის საგარეო საქმეთა მინისტრთან ლუბომირ ზაორალეკთან.
 
შეხვედრაზე განიხილეს საქართველოს ნატო-ში ევროპულ და ევროატლანტიკურ სტრუქტურებში ინტეგრაციის პროცესის მიმდინარეობა, ვარშავის სამიტისთვის მზადება, შიდა პოლიტიკური ვითარება და ქვეყანაში მიმდინარე რეფორმები, მათ შორის  საქართველოს პრემიერ-მინისტრის ოთხ-პუნქტიანი რეფორმების პაკეტი. მხარეებმა ასევე ისაუბრეს რეგიონალური უსაფრთხოების თემაზე. ხაზი გაესვა ნატო-საქართველოს არსებით ღონისძიებათა პაკეტის განხორციელების მნიშვნელობას და საქართველოსათვის სავიზო ლიბერალიზაციის პროცესის დროულად დასრულების აუცილებლობას.
 
შეხვედრაზე მინისტრებმა ისაუბრეს ორ ქვეყანას შორის ურთიერთობების, განსაკუთრებით ეკონომიკური თანამშრომლობის შემდგომ გაღრმავებაზე. ამ კუთხით აღინიშნა 9-10 თებერვალს თბილისში გამართული ეკონომიკური კომისიის სხდომის და ბიზნეს-ფორუმის და ასევე 22-23 თებერვალს საქართველოს პრემიერ მინისტრის გიორგი კვირიკაშვილის ჩეხეთის რესპუბლიკაში დაგეგმილი ვიზიტის მნიშვნელობა. განხილულ იქნა საქართველოს ოკუპირებულ ტერიტორიებზე არსებული ვითარება და ჟენევის მოლაპარაკებების მიმდინარეობა.
 
ჩეხეთის მხარემ კიდევ ერთხელ დაადასტურა მხარდაჭერა, როგორც საქართველოს სუვერენიტეტისა და ტერიტორიული მთლიანობის, ასევე ევროპულ და ევროატლანტიკურ სტრუქტურებში შემდგომი ინტეგრაციის მიმართ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა