2024-01-25 09:10:48, 716 ნახვა
მსოფლიო
BBC - ღაზაში, გაეროს თავშესაფარზე თავდასხმა განხორციელდა - დაიღუპა 9 და დაშავდა 75 ადამიანი
ხან იუნისში მდებარე, ლტოლვილთა თავშესაფარზე თავდასხმა განხორციელდა. აღნიშნულის შესახებ ინფორმაციას BBC გაეროს პალესტინელი ლტოლვილების დახმარების სააგენტოზე დაყრდნობით ავრცელებს.
სააგენტოს ცნობით, თავდასხმის შედეგად დაიღუპა 9 და დაშავდა 75 ადამიანი.
მათივე ცნობით, ხან იუნისის დასავლეთით მდებარე ერთ-ერთ სასწავლო დაწესებულებას, სადაც 800 ადამიანი აფარებდა თავს, ორი სატანკო ჭურვი მოხვდა.
ამასთან, როგორც ისრაელის თავდაცვის ძალებში აცხადებენ, ხან იუნისში მდებარე გაეროს თავშესაფარზე განხორციელებული თავდასხმის ფაქტს იძიებენ და არ გამორიცხავენ, რომ შესაძლოა ეს ტერორისტული დაჯგუფება „ჰამასის ცეცხლი" ყოფილიყო.
ავტორი: ექსპრესნიუსი,
epn.ge (@expressnews.ge)
