IDF - ღაზას სექტორის ჩრდილოეთში „ჰამასის“ სარდლობა განადგურებულია

2024-01-07 12:27:14, 1277 ნახვა

მსოფლიო

ისრაელის თავდაცვის ძალების (IDF) ცნობით, ღაზას სექტორის ჩრდილოეთ ნაწილში "ჰამასის" სამეთაურო სტრუქტურის დაშლა დაასრულეს.

როგორც თავდაცვის ძალების პრესსპიკერმა, დანიელ ჰაგარიმ ჟურნალისტებს განუცხადა, პალესტინელი ბოევიკები ტერიტორიაზე მხოლოდ სპორადულად და მეთაურების გარეშე მოქმედებენ.

ჰაგარის თქმით, IDF ახლა ორიენტირებულია სამხრეთ და ცენტრალურ ღაზაში "ჰამასის" განადგურებაზე.

პრესსპიკერის ინფორმაციით, ისრაელმა ღაზას ჩრდილოეთით, დაახლოებით, 8 000 მებრძოლის ლიკვიდაცია განახორციელა.

პრემიერ-მინისტრ ბენიამინ ნეთანიაჰუს თქმით, ისრაელი გააგრძელებს კამპანიას "ჰამასის" ლიკვიდაციისთვის, მძევლების დასაბრუნებლად და იმისთვის, რომ ღაზა ისრაელისთვის საფრთხეს აღარ წარმოადგენდეს".

"ჩვენ უნდა გადავდოთ ყველაფერი, სანამ სრულ გამარჯვებას არ მივაღწევთ“,- თქვა ნეთანიაჰუმ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,