უკრაინის პრეზიდენტ ვოლოდიმირ ზელენსკისა და პოლონეთის ახალ პრემიერ-მინისტრ დონალდ ტუსკს შორის სატელეფონო საუბარი გაიმართა. აღნიშნულის შესახებ ზელენსკი X-ზე (ყოფილ Twitter-ზე) წერს.

ვოლოდიმირ ზელენსკის თქმით, დონალდ ტუსკთან საუბრისას ევროპული საბჭოს სამომავლო გადაწყვეტილებები განიხილა.

"ოსლოში ყოფნისას პოლონეთის პრემიერ-მინისტრთან, დონალდ ტუსკთან სატელეფონო საუბარი მქონდა. ჩემს მეგობარს დანიშვნა და ჩვენი ორმხრივი ურთიერთობების ახალი თავის დაწყება მივულოცე. ევროპული საბჭოს სხდომის წინა დღეს, ჩვენ მისი სამომავლო გადაწყვეტილებები განვიხილეთ, რაც მთელი ევროპული საზოგადოების ერთიანობას შეუწყობს ხელს. მე გულწრფელი მხარდაჭერის სიტყვები მოვისმინე. ჩვენ კიდევ უფრო ძლიერები ვართ, როცა ერთად ვართ - უკრაინა და პოლონეთი.

დარწმუნებული ვარ, რომ პოლონეთის ახალ მთავრობასთან ერთად, ჩვენს ურთიერთობებში არსებული ყველა გადაუჭრელი საკითხის ორმხრივად მომგებიანი გზით მოგვარებას შევძლებთ", - წერს ზელენსკი.

ავტორი: ექსპრესნიუსი,

სოციალური ქსელები

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა

ალიანსი: რეჟიმმა უნდა იცოდეს, რომ ელენეს ჯანმრთელობის დაზიანებისთვის მოუწევთ პასუხისგება

ირანი აშშ-ს დაბომბვის შემდეგ ბაჰრეინს დაესხა თავს

ტეხასის შტატში სკოლებში ბიბლიის სავალდებულო შესწავლა დამტკიცდა, გადაწყვეტილებას აშშ-ს საკონსტიტუციო სასამართლოში გაასაჩივრებენ