არ ვფიქრობ, რომ ხაბეიშვილს აქვს აზროვნების დიდი შესაძლებლობა, ამიტომ, საზოგადოებისთვის ვამბობ: დედაქალაქის მერია არის თანმიმდევრული და რა პროექტებიც გვაქვს წარმოდგენილი, ყველა მათგანი ეტაპობრივად შესრულდება, - ასე გამოეხმაურა თბილისის მერი კახა კალაძე ჟურნალისტებთან საუბრისას „ნაციონალური მოძრაობის“ თავმჯდომარის, ლევან ხაბეიშვილის განცხადებას იმასთან დაკავშირებით, რომ დედაქალაქში შექმნილი საცობები გამოწვეულია გარკვეული ინფრასტრუქტურული პროექტების განუხორციელებლობით, რომელთა შორისაა „ვეფხი და მოყმის“ ძეგლის მიმდებარე ტერიტორიაზე ესტაკადის მშენებლობა. 

„რაც შეეხება კონკრეტულ პროექტებს, ყველა მათგანი იქნება განხორციელებული. ყველა პროექტს აქვს თავისი ეტაპები. ხედავთ, რომ ორი დიდი პროექტის განხორციელება მიმდინარეობს ქალაქში - ერთი  არის უნივერსიტეტის  ქუჩაზე, რომელზეც მოძრაობა  ცალმხრივად შეზღუდულია, მეორე - კი წერეთლის გამზირზე. შესაბამისად, ხედავთ, როგორი მდგომარეობაა, როგორ ჭირს გადაადგილება დედაქალაქში. 

როგორ  წარმოგიდგენიათ, დღეს რომ „ვეფხი და მოყმის“ ძეგლის მიმდებარე ტერიტორია იყოს გადაკეტილი და იქ მიმდინარეობდეს სამუშაოები, რა სიტუაცია იქნებოდა ქალაქში? მე ხაბეიშვილზე დიდი წარმოდგენა ნამდვილად არ მაქვს და არც იმას ვფიქრობ, რომ მას აზროვნების დიდი შესაძლებლობა აქვს, ამიტომ, ამას საზოგადოებისთვის ვამბობ: დედაქალაქის მერია არის  თანმიმდევრული - ჩვენ რა გეგმებიც გვაქვს დასახული,  რა პროექტებიც გვაქვს წარმოდგენილი, ყველაფერი ეტაპობრივად იქნება შესრულებული. ცხადია, ამასთანავე გვიწევს გარკვეული შეზღუდვები, რადგან  ერთობლივად ამხელა სამუშაოების წარმოება შექმნის უდიდეს პრობლემას დედაქალაქში, მაგრამ ეს ეხება  არა მხოლოდ კერძო ავტომობილების გადაადგილებას, არამედ პრობლემას უქმნის საზოგადოებრივ ტრანსპორტსაც. ამიტომ ვცდილობთ, რომ  ერთი წლის განმავლობაში, დაახლოებით, 2-3 პროექტი იქნას განხორციელებული, რათა ქალაქში კოლაფსი არ გამოიწვიოს“, - განაცხადა კახა კალაძემ.

ავტორი: NS (სტატია დაფინანსებულია),

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა