აშშ-ის ინტერესები აქ შეიძლება ის იყოს, რომ ჩვენ რუსეთთან სულ დაპირისპირებული ვიყოთ,- ამის შესახებ "ევროპელი სოციალისტების" წარმომადგენელმა, ფრიდონ ინჯიამ განაცხადა.

როგორც ინჯიამ პარლამენტის პლენარულ სხდომაზე, სადაც დეპუტატები საგარეო საქმეთა მინისტრ ილია დარჩიაშვილს ინტერპელაციის წესით უსმენენ, აღნიშნა, მსგავსი ინტერესი ჩინეთს საქართველოსთან არ აქვს.

"ჩინეთი ჩვენს ტერიტორიულ მთლიანობას უპირობოდ აღიარებს და იცავს. რაც შეეხება ჩინეთისა და რუსეთის ურთიერთობას - იცით რა, ჩინეთთან ურთიერთობით, შეიძლება, რუსეთთან მიმართებაში ჩვენ უფრო მეტი მოვიგოთ და უფრო მეტი სართო რაღაც ვნახოთ ჩვენთვის მტკივნეული საკითხის გადაწყვეტისთვის, რომელსაც ტერიტორიული მთლიანობა ჰქვია. შეიძლება, ამაში გარკვეულად დიდი როლი ყველა ქვეყანამ შეასრულოს - 30 წელია, განცხადებებისა და შეშფოთების მეტი არაფერი ყოფილა. არ ყოფილა იმიტომ, რომ იმათ არ აწყობთ, ჩვენ ეს საკითხი დავალაგოთ რუსებთან. იმათ აწყობთ, რომ ეს დაპირისპირება სულ იყოს. ჩინეთს კი, აქ ეს ინტერესები არ აქვს. აშშ-ის ინტერესები აქ შეიძლება ის იყოს, რომ ჩვენ რუსეთთან სულ დაპირისპირებული ვიყოთ",- აღნიშნა ინჯიამ.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს