ხარკოვზე ოკუპანტების თავდასხმის შედეგად დაშავებულთა რიცხვი 25-მდე გაიზარდა. აღნიშნულის შესახებ ხარკოვის საოლქო პროკურატურის ხელმძღვანელმა, ალექსანდრე ფილჩაკოვმა განაცხადა.

ფილჩაკოვის თქმით, ოკუპანტებმა ხარკოვს "ისკანდერის" ტიპის რაკეტებით შეუტიეს.

ხარკოვის საოლქო პროკურატურის ინფორმაციით, დაბომბვის შედეგად დაიღუპა 10 წლის ბავშვი.

"კიევისა და ხარკოვის სლობიდის რაიონული პროკურატურის პროცედურული ხელმძღვანელობით, დაწყებულია წინასწარი გამოძიება ომის კანონებისა და ჩვეულებების დარღვევაზე (უკრაინის სისხლის სამართლის კოდექსის 438-ე მუხლი).

გამოძიების ინფორმაციით, 6 ოქტომბერს, დაახლოებით, დილის 07:00 საათზე, რუსმა სამხედროებმა ხარკოვის, კიევისა და ოსნოვიანსკის რაიონებში, საცხოვრებელ კორპუსებზე სარაკეტო იერიში მიიტანეს.

კიევის რაიონში 6 მშვიდობიანი მოქალაქე დაშავდა: 3 ქალი და 3 მამაკაცი; ოსნოვიანსკის რაიონში ასევე დაშავდა 7 ადამიანი, მათ შორის 11 თვის ბიჭი. მაშველებმა მისი გარდაცვლილი 10 წლის ძმის ცხედარი ნანგრევებიდან ამოიყვანეს.

შეგახსენებთ, რომ გუშინ, 5 ოქტომბერს ხარკოვის ოლქში, კუპიანსკის რაიონის სოფელი გროზაზე სარაკეტო იერიში მიიტანეს, რასაც 50-მდე ადამიანის სიცოცხლე ემსხვერპლა.

ავტორი: ექსპრესნიუსი,

სოციალური ქსელები

ნატოს თვითმფრინავებმა კალინინგრადის მახლობლად ოპერაცია ჩაატარეს

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია