ახალი სასწავლო წელი ქედის მუნიციპალიტეტის 29-ვე საჯარო სკოლაში განახლდა. აღნიშნულის შესახებ ინფორმაციას ქედის მუნიციპალიტეტეის მერია ავრცელებს.

ქედის მერიის ცნობით, ახალი სასწავლო წლის დაწყება მოსწავლეებს მერთან ერთად, აჭარის განათლების, კულტურისა და სპორტის მინისტრის მოადგილე ბადრი ნაკაშიძემ, საკრებულოს თავმჯდომარე ამირან ცინცაძემ და  რესურსცენტრის უფროსმა დურმიშხან შავიშვილმა დაბა ქედისა და სოფელი მერისის საჯარო სკოლიდან მიულოცა.

„გილოცავთ ახალი სასწავლო წლის დაწყებას მოსწავლეებს, პედაგოგებს და მშობლებს. განსაკუთრებით ვულოცავ პირველკლასელებს, რომლებიც დღეს პირველად შემოაღებენ სკოლის კარებს და პირველად დაირეკება ზარი. გისურვებთ ეს წელი წარმატებული და ნაყოფიერი ყოფილიყოს თითოეული თქვენთაგანისთვის”,- აღნიშნა მუნიციპალიტეტი მერმა, როლანდ ბერიძემ.

ქედის მერიის ცნობითვე, სტუმრებმა დაბა ქედის საჯარო სკოლის პირველკლასელებთან ერთად სიმბოლურად ხის დარგვის ცერემონიაში მიიღეს მონაცილეობა.

„ადგილობრივი თვითმმართველობის წარმომადგენლები ყველა საჯარო სკოლას ეწვივნენ და ახალი სასწავლო წლის დაწყება ადგილზე მიულოცენ.

ქედის მუნიციპალიტეტის საჯარო სკოლებში წელს 1985 მოსწავლე ირიცხება, მათ შორის 147 პირველკლასელი”,- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

ნატომ რუსეთთან ომის შემთხვევაში გეგმა შეიმუშავა

რუსეთის უზენაესმა სასამართლომ პარტია „იაბლოკო“-ს არჩევნებში მონაწილეობა საბოლოოდ აუკრძალა

ნიკა გვარამია: ღარიბაშვილს მოსაყოლი ისტორია აქვს

გიორგი გახარიას ადვოკატი ჩორჩანას საქმეზე ირაკლი კობახიძის დაკითხვას ითხოვს