მოსკოვმა ერევანს სთხოვა განმარტებები სომხეთის მთავრობის მიერ რომის სტატუტის პარლამენტში რატიფიკაციისთვის გაგზავნის საკითხთან დაკავშირებით, განაცხადა რუსეთის საგარეო საქმეთა სამინისტროს წარმომადგენელმა მარია ზახაროვამ დღეს გამართულ ბრიფინგზე.

„ჩვენს შემდგომ ნაბიჯებს განვსაზღვრავთ ერევნის პასუხის შინაარსიდან გამომდინარე“, - განაცხადა ზახაროვამ.

მიმდინარე წლის მარტში სომხეთის საკონსტიტუციო სასამართლომ დაადგინა, რომ სისხლის სამართლის საერთაშორისო სასამართლოს რომის სტატუტი შეესაბამება ქვეყნის კონსტიტუციას, იუწყება Radio Azatutyun.

რამდენიმე ხნით ადრე, ჰააგის საერთაშორისო სისხლის სამართლის სასამართლომ რუსეთის პრეზიდენტის ვლადიმერ პუტინის დაკავების ორდერი გასცა.

რუსული მხარე, აცხადდებს რომ რომის სტატუტის რატიფიცირება შეიცავს რისკებს სომხეთსა და რუსეთს შორის მოკავშირე ურთიერთობებისთვის, ეროვნული ასამბლეის ვიცე-სპიკერმა ჰაკობ არშაკიანმა,  განაცხადა, რომ არავითარ შემთხვევაში არ იყო მიმართული რუსეთის წინააღმდეგ, არამედ ემსახურებოდა სომხეთის სუვერენულ ტერიტორიაზე აზერბაიჯანული ხელყოფის აღკვეთას.

არშაკიანმა ასევე ხაზგასმით აღნიშნა, რომ რომის სტატუტის რატიფიცირების პროცესი გაცილებით ადრე დაიწყო, ვიდრე მიღებულ იქნა საერთაშორისო სასამართლოს გადაწყვეტილება რუსეთის პრეზიდენტთან დაკავშირებით.

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა