2023-09-01 16:54:26, 902 ნახვა
მსოფლიო
უკრაინამ კომპანიები PepsiCo და Mars-ი „ომის სპონსორებად“ გამოაცხადა
უკრაინის კორუფციის აღკვეთის ეროვნულმა სააგენტომ კომპანიები PepsiCo და Mars-ი „ომის საერთაშორისო სპონსორების“ სიაში შეიყვანა.
როგორც უკრაინის კორუფციის აღკვეთის ეროვნული სააგენტო აღნიშნავს, ბიზნესის შემცირებისა და წარმოების შეჩერების შესახებ განცხადებების მიუხედავად, ეს კომპანიები რუსეთში მუშაობას აგრძელებენ და იხდიან გადასახადებს, რითაც რუსეთის ეკონომიკას აძლიერებენ.
PepsiCo-ს შემოსავალმა 2022 წელს 2,59 მილიარდი დოლარი შეადგინა, საიდანაც 115 მილიონი დოლარი რუსეთის ბიუჯეტში გადასახადების სახით შეიტანეს, რაც შეეხება კომპანია Mars-ს 2022 წელს მისმა შემოსავლებმა 2,45 მილიარდი დოლარი შეადგინა, საიდანაც რუსეთის ბიუჯეტში გადასახადების სახით კომპანიამ 93 მილიონი დოლარი შეიტანა.
ავტორი: ექსპრესნიუსი,
epn.ge (@expressnews.ge)
