უკრაინა მოსკოვს უპილოტო საფრენი აპარატით დაესხა თავს. აღნიშნულ ინფორმაციას რუსული სამთავრობო-პროპაგანდისტული გამოცემა "რია ნოვოსტი" რუსეთის ფედერაციის თავდაცვის სამინისტროზე დაყრდნობით ავრცელებს.

როგორც თავდაცვის უწყების ინფორმაციაშია ნათქვამი, საჰაერო თავდაცვის სისტემამ უპილოტო საფრენი აპარატი დედაქალაქში, კრასნოპრენსკაიას სანაპიროსთან ჩამოაგდო.

"18 აგვისტოს, მოსკოვის დროით, დაახლოებით, 04:00 საათზე, კიევის რეჟიმმა დაიწყო მორიგი ტერორისტული თავდასხმა უპილოტო საფრენი აპარატის გამოყენებით მოსკოვსა და მოსკოვის რეგიონში მდებარე ობიექტებზე. მსხვერპლი და ხანძარი არ არის“,- აცხადებენ თავდაცვის სამინისტროში.

უკრაინული მედიის ცნობით, აფეთქებების ხმა ისმოდა ბიზნესცენტრ "მოსკოვი-სიტის" მიმდებარე ტერიტორიაზე. თავდასხმის შედეგად დაზიანდა "ექსპოცენტრის" შენობა.

"ექსპოცენტრის" შენობის დაზიანება დაადასტურა მოსკოვის მერმა, სერგეი სობიანინმა. 

"უპილოტო საფრენი აპარატის ნამსხვრევები "ექსპოცენტრის" მიდამოში დაეცა, შენობა მნიშვნელოვნად არ დაზიანებულა",- ამბობს სობიანინი.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს