2023-08-16 21:57:00, 738 ნახვა
მსოფლიო
ჩეხეთმა 350 მილიონი ევროს ღირებულების სანქცირებული რუსული აქტივები გაყინა
ჩეხეთში რუსეთის მოქალაქეების სანქციებს დაქვემდებარებული, გაყინული აქტივების ჯამური მოცულობა 347.36 მილიონი ევროა, - ამის შესახებ უკრაინაში ჩეხეთის ელჩმა, რადეკ მატულამ განაცხადა.
ჩეხეთის ელჩის თქმით, ქვეყნის სამართალდამცავი ორგანოები აქტიურად აკვირდებიან ინფორმაციას იმ რუსეთის მოქალაქეების შესახებ, რომლებიც სანქციებს ექვემდებარებიან.
ამავდროულად, მატულამ კიევს NATO-სა და ევროკავშირში გაწევრიანებაში პრაღის მხარდაჭერა კიდევ ერთხელ დაუდასტურა.
ცნობისთვის, მიმდინარე წლის მარტში ჩეხეთის პრემიერმა, პეტრ ფიალამ გამოაცხადა, რომ ჩეხეთის რესპუბლიკამ რუსეთის მოქალაქეებისა და კომპანიების ასობით მილიონი კრონის ღირებულების აქტივები გაყინა, რომლებიც ექვემდებარებიან ევროკავშირის სანქციებს.
ავტორი: ექსპრესნიუსი,
epn.ge (@expressnews.ge)
