ერდოღანი შოვზე - ჩემი ხალხისა და პირადად ჩემი სახელით, მეგობარ და მეზობელ ქართველ ხალხს ვუსამძიმრებ

2023-08-12 10:48:02, 789 ნახვა

საზოგადოება

თურქეთის პრეზიდენტი რეჯეფ თაიფ ერდოღან შოვში მომხდარ ტრაგედიას გამოეხმაურა.

ერდოღანმა მისი და თურქი ხალხის სახელით ღრმა მწუხარება გამოთქვა მომხდარის გამო და გარდაცვლილთა ახლობლებს სამძიმარი გამოუცხადა.

"დიდი მწუხარებით შევიტყვე საქართველოში ჩამოწოლილი მეწყერის შედეგად ბევრი ადამიანის გარდაცვალებისა და დაშავების შესახებ. ჩემი ხალხისა და პირადად ჩემი სახელით, ვუსამძიმრებ თქვენს აღმატებულებას, მეგობარ და მეზობელ ქართველ ხალხსა და გარდაცვლილთა ახლობლებს", - ამბობს ერდოღანი.

შეგახსენებთ, რომ შოვში მეწყერი 3 აგვისტოს ჩამოწვა.

ამ დროისთვის დადასტურებული ინფორმაციით, სტიქიის შედეგად 24 ადამიანი დაიღუპა, ხოლო მაშველები 9 ადამიანს ისევ ეძებენ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,