მოსკოვის ოლქში, ქალაქ სერგიევ-პოსადში მდებარე ზაგორსკის ოპტიკურ-მექანიკურ სამხედრო ქარხანაში მომხდარი აფეთქების შედეგად სამედიცინო დახმარება 52 ადამიანს დასჭირდა. აღნიშნულ ინფორმაციას BBC-ის რუსულენოვანი სამსახური ავრცელებს.

მედიის ცნობით, დაშავებულთაგან 20 სამედიცინო დაწესებულებაშია მოთავსებული, მათ შორის 6 პირის მდგომარეობა მძიმეა.

ოფიციალური პირები არ გამორიცხავენ, რომ ნანგრევების ქვეშ ადამიანები იყვნენ მოყოლილი.

"აფეთქება ქარხნის ტერიტორიაზე მდებარე ფარდულში მოხდა, სადაც პიროტექნიკური პროდუქტები ინახებოდა. საწყობი კომპანია Piro-Ross-ს ეკუთვნის, რომელიც ღია წყაროების თანახმად, ფოიერვერკებს აწარმოებს და ასევე, დაკავებულია სახიფათო ტვირთების ტრანსპორტირებით.

აფეთქებამ ოპტიკურ-მექანიკური ქარხნის საწარმოო ობიექტების ნაწილი გაანადგურა. საწარმოს ყველა შენობიდან სრული ევაკუაცია გამოცხადდა. აფეთქების ადგილზე გაჩენილი ხანძარი ლოკალიზებულია. დაზიანდა მიმდებარედ 20 მაღალსართულიანი საცხოვრებელი კორპუსი და სკოლები",- წერს BBC.

მედიის ცნობით, რუსეთის ფედერაციის ხელისუფლება არ ადასტურებს ინფორმაციას, რომ აფეთქება, შესაძლოა, უპილოტო საფრენი აპარატის დარტყმამ გამოიწვია.

გამომძიებლების თქმით, აფეთქების მიზეზი ქარხანაში ტექნოლოგიური პროცესის დარღვევა გახდა.

მომხდართან დაკავშირებით დაწყებულია გამოძიება.

ცნობისთვის, ზაგორსკის ოპტიკურ-მექანიკურ სამხედრო ქარხანაში აფეთქება დღეს, 9 აგვისტოს მოხდა. ქარხანა რუსეთის ძალოვანი სტრუქტურებისთვის ოპტიკური და ოპტიკურ-ელექტრონული მოწყობილობების წამყვანი მწარმოებელია.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს