უკრაინის საგარეო საქმეთა სამინისტროში პოლონეთის ელჩის, ბარტოშ ციხოცკის დაბარების შემდეგ, პოლონეთის საგარეო უწყებამ უკრაინის ელჩი ვასილი ზვარიჩი დაიბარა. 

ამის შესახებ პოლონეთის დიპლომატიურ უწყებაში განაცხადეს, თუმცა სხვა დეტალების დაკონკრეტებისგან თავი შეიკავეს.

„საგარეო საქმეთა სამინისტრო იტყობინება, რომ უკრაინის ელჩი პოლონეთში მიწვეულია საგარეო საქმეთა სამინისტროს შტაბ-ბინაში უკრაინის ხელისუფლების წარმომადგენლების განცხადებებთან დაკავშირებით“,- ნათქვამია სამინისტროს განცხადებაში, რომელიც Twitter-ზე გამოქვეყნდა.

ცნობისთვის, პოლონეთის ელჩი უკრაინის საგარეო საქმეთა სამინისტროში პოლონეთის პრეზიდენტის ადმინისტრაციის საერთაშორისო პოლიტიკის ოფისის ხელმძღვანელის, მარჩინ პშიდიჩის განცხადებების გამო იყო დაბარებული.

პშიდიჩმა პოლონურ მედიასთან ინტერვიუში უკრაინული მარცვლეულის ექსპორტის ბლოკირების საკითხზე საუბრისას თქვა, რომ უკრაინას დიდი მხარდაჭერა აქვს პოლონეთისგან და რომ ქვეყანამ „უნდა დაიწყოს იმ როლის შეფასება, რომელიც პოლონეთმა ითამაშა უკრაინისთვის ბოლო თვეებისა და წლების განმავლობაში“.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს