რუსეთის პრეზიდენტი არის არაადეკვატური ადამიანი თავისი გარემოცვით, რომელიც ფულს შოულობს "მარცვლეულის შეთანხმების" დაბლოკვით. ის არის ადამიანი, რომელიც აყენებს მსოფლიოს შიმშილის ზღვარზე, რათა თავისი მარცვლეული უფრო ძვირად გაყიდოს,- ამის შესახებ უკრაინის პრეზიდენტმა, ვოლოდიმირ ზელენსკიმ ბრაზილიურ Global News-თან ვიდეოინტერვიუში განაცხადა.

ზელენსკის თქმით, ვლადიმერ პუტინი საერთაშორისო კანონს პატივს არ სცემს.

უკრაინის პრეზიდენტმა ხაზგასმით აღნიშნა, რომ „მარცვლეულის შეთანხმების“ შეჩერება გამოიწვევს რუსულ მარცვლეულზე ფასების ზრდას, რაც შესაბამისად, რუსეთს დამატებითი სახსრების გამომუშავების შესაძლებლობას მისცემს.

"ჩვენ ვსაუბრობთ სამყაროს გადარჩენაზე, შიმშილზე, რეალურ სოციალურ ქაოსზე, რაც შეიძლება გამოწვეული იყოს აგროინდუსტრიული პროდუქტის მიწოდებით. და მისთვის ეს არის ზეწოლა. პირველ რიგში, ეს არის ფული",- განაცხადა ზელენსკიმ.

ცნობისთვის, რუსეთმა „შავი ზღვის მარცვლეულის შეთანხმება“ 17 ივლისს შეაჩერა. აღსანიშნავია, რომ "მარცვლეულის შეთანხმება" გასულ წელს თურქეთისა და გაეროს შუამავლობით გაფორმდა.

საერთაშორისო სავალუტო ფონდის შეფასებით, "მარცვლეულის შეთანხების" შეჩერებამ, შესაძლოა, გლობალურ ბაზარზე მარცვლეულის 10-15%-ით გაძვირება გამოიწვიოს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს