რუსეთის პრეზიდენტი ვლადიმერ პუტინი ამტკიცებს, რომ პოლონეთი უკრაინის კონფლიქტში პირდაპირ ჩარევას გეგმავს. აღნიშნულის შესახებ გამოცემა The Guardian-ი წერს.

გამოცემის ცნობით, პუტინმა უშიშროების საბჭოს სხდომაზე განაცხადა, რომ პოლონეთის მიზანი საკუთარი "ისტორიული ტერიტორიების" უკან დაბრუნებაა.

"რაც შეეხება პოლონელ ლიდერებს, ისინი, დიდი ალბათობით, ელიან NATO-ს ქოლგის ქვეშ რამე სახის კოალიციის შექმნას და უშუალოდ ჩარევას უკრაინის კონფლიქტში. ამ გზით, შეეცდებიან უფრო მსუყე ნაჭერი მოიპოვონ და დაიბრუნონ, მათი აზრით, თავიანთი ისტორიული ტერიტორიები - დღევანდელი დასავლეთ უკრაინა", - განაცხადა პუტინმა. 

ამასთან, როგორც გამოცემა წერს, მსგავსი შინაარსის განცხადება გასულ კვირას რუსეთის საგარეო საქმეთა სამინისტროს პრესსპიკერმა, მარია ზახაროვამ Al-Jazeera-სთან ინტერვიუში გააკეთა.

"ახლა აშკარაა პოლონეთის სურვილი, შეიჭრას უკრაინის დასავლეთ ნაწილში. სწორედ ამიტომ არ არის უკრაინა NATO-ში მიწვეული",- განაცხადა ზახაროვამ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს