The Guardian - შვედეთი უკრაინის დასახმარებლად 450 მილიონ ფუნტს გამოყოფს

2023-07-17 16:53:46, 1948 ნახვა

ომი უკრაინაში

შვედეთი უკრაინის დასახმარებლად 450 მილიონ ფუნტს გამოყოფს. აღნიშნულის შესახებ ინფორმაციას The Guardian-ი ავრცელებს.

როგორც საერთაშორისო განვითარების თანამშრომლობის მინისტრმა, იოჰან ფორსელმა განაცხადა, შვედეთის გეგმა გაწერილია 2023-2027 წლებზე.

"ეს არის ყველაზე დიდი და ამბიციური ორმხრივი სტრატეგია, რაც შვედეთს ოდესმე შეუმუშავებია. გარდა ამისა, ვგეგმავთ სპეციალურად მიმართული ინვესტიციების დამატებასაც.

გრძელვადიან პერსპექტივაში, ჩვენ გვინდა ვიხილოთ არა მხოლოდ ერთი, არამედ ორი ლურჯ-ყვითელი დროშა კიევში - უკრაინული და ევროპელი",- განაცხადა ფორსელმა.

მისივე თქმით, გამოყოფილი თანხა მოხმარდება უკრაინის ინფრასტრუქტურისა და სხვადასხვა ინსტიტუტების ჩამოყალიბებას, როგორიცაა ჯანდაცვა და უკრაინისთვის არაწიაღისეული ენერგიის ხელმისაწვდომობა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,