2023-07-13 13:15:42, 1148 ნახვა
მსოფლიო
მოლდოვამ დსთ-ს სამი შეთანხმების გაუქმებისკენ ნაბიჯების გადადგმა დაიწყო - მედია
მოლდოვის მთავრობა დსთ-ს ფარგლებში ხელმოწერილი სამი დოკუმენტის გაუქმებას გეგმავს. აღნიშნულ ინფორმაციას ადგილობრივი მედია ავრცელებს.
მედიის ცნობით, შეთანხმებები, რომლებიც მოლდოვის მინისტრთა კაბინეტმა დღის წესრიგში უკვე შეიტანა, 1990-იან წლებშია გაფორმებული.
პირველი შეთანხმება დსთ-ს ქვეყნებში მცირე ბიზნესის მხარდაჭერას, მეორე დსთ-ს წევრ სახელმწიფოებთან ერთად ერთიანი საგანმანათლებლო სივრცის ფორმირებას, მესამე კი სასაზღვრო ძალებისთვის სპეცტექნიკისა და სხვა საშუალებების შეღავათიან გადაცემას ეხება.
პროექტის ავტორებს მიაჩნიათ, რომ დოკუმენტები შეიცავს ისეთ დებულებებს, რომლებიც მოლდოვას ევროკავშირთან ასოცირების შეთანხმებისა და ევროკავშირის კანდიდატის სტატუსის მიღებისგან დააშორებს.
ავტორი: ექსპრესნიუსი,
epn.ge (@expressnews.ge)
