2023-06-19 17:08:57, 1453 ნახვა

---

სტეფანჩუკი - ჩვენ გვინდა, ნატოს 33-ე წევრი გავხდეთ და გვსურს, ეს გზა ისე გავიაროთ, როგორც ფინეთმა და შვედეთმა

მას შემდეგ, რაც ფინეთი ნატოში მიიღეს, მზად ვართ, ფინეთის გზას დავადგეთ. ასევე, მზად ვართ, "ფინეთიზაციისთვის", - ამის შესახებ უკრაინის უმაღლესი რადას სპიკერმა, რუსლან სტეფანჩუკმა განაცხადა.

რუსლან სტეფანჩუკს იმედი აქვს, რომ უკრაინა ნატოს 33-ე წევრი გახდება მას შემდეგ, რაც შვედეთი ალიანსს შეუერთდება.

"ძალიან დიდი ხანია, ვსაუბრობთ უკრაინის "ფინეთიზაციაზე". მას შემდეგ, რაც ფინეთი ნატოში მიიღეს, მზად ვართ, ფინეთის გზას დავადგეთ. ასევე, მზად ვართ, "ფინეთიზაციისთვის".

24 თებერვლის შემდეგ, ფინეთი NATO-ს 31-ე ქვეყანა გახდა. იმედი მაქვს, უახლოეს მომავალში, შვედეთი 32-ე ქვეყანა გახდება. ჩვენ გვინდა, NATO-ს 33-ე წევრი გავხდეთ და გვსურს, ეს გზა ისე გავიაროთ, როგორც ფინეთმა და შვედეთმა გაიარეს", - განაცხადა სტეფანჩუკმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი