ევროკავშირში გაწევრიანება არ არის მარტივი პროცესი -  უარი უნდა თქვათ ისეთ ნაბიჯებზე, რაც არ შეესაბამება ევროკავშირის სტანდარტებს; უარი უნდა თქვათ ანტიდასავლურ რიტორიკაზე, რამაც შეიძლება, საქართველოს ამ გზაზე ხელი შეუშალოს,- ამის შესახებ სლოვაკეთის პარლამენტის თავმჯდომარემ, ბორის კოლარმა საქართველოს პარლამენტის თავმჯომარე შალვა პაპუაშვილთან, ავსტრიის პარლამენტის თავმჯდომარე ვოლფგანგ სობოტკასთან და ჩეხეთის პარლამენტის თავმჯდომარე მარკეტა პეკაროვა ადამოვასთან ერთად გამართულ პრესკონფერენციაზე განაცხადა.

კოლარის თქმით, სლოვაკეთი მხარს უჭერს საქართველოს სუვერენიტეტსა და ტერიტორიულ მთლიანობას.

"სლოვაკეთი საქართველოს სუვერენიტეტსა და ტერიტორიულ მთლიანობას სრულად უჭერს მხარს. ჩვენ ხაზს ვუსვამთ იმას, რომ საქართველო მხარს უჭერს კონფლიქტის მშვიდობიანად მოგვარებას უკრაინაში... სლოვაკეთი მხარს უჭერს სტაბილურ, დემოკრატიულ საქართველოს და ჩვენ მხარს ვუჭერთ დემოკრატიულ საზოგადოებასა და ასევე, ვაჭრობას, ეკონომიკას, უერთიერთობას, რაც აუცილებელია თქვენი ევროატლანტიკური მისწრაფებების განსახორციელებლად.

ეს არ არის ადვილი პროცესი - ევროკავშირში გაწევრიანება, მაგრამ მთლიანი გზა, ტენდენცია უნდა იყოს თვალნათელი. უარი უნდა თქვათ ისეთ ნაბიჯებზე, რაც არ შეესაბამება ევროკავშირის სტანდარტებს; უარი უნდა თქვათ ანტიდასავლურ რიტორიკაზე, რამაც შეიძლება, საქართველოს ამ გზაზე ხელი შეუშალოს",- განაცხადა საქართველოში ვიზიტით მყოფმა ბორის კოლარმა.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის