დანია უკრაინის სამხედრო დახმარებისთვის დამატებით 2.6 მილიარდ დოლარს გამოყოფს

2023-05-29 20:56:16, 1580 ნახვა

ომი უკრაინაში

დანიის პრემიერ-მინისტრმა, მეტე ფრედერიკსენმა განაცხადა, რომ დანია უკრაინის სამხედრო დახმარების 2.59 მილიარდი დოლარით გაზრდას გეგმავს.

როგორც ფრედერიკსენმა აღნიშნა, ომმა უკრაინაში ძალიან კრიტიკულ მომენტს მიაღწია, აქედან გამომდინარე, არ არის არანაირი ნიშნები იმისა, რომ მომავალ წელს მშვიდობა იქნება, ამიტომ დანიამ მიიღო გადაწყვეტილება, რომლის მიხედვითაც 2024 წლისთვის უკრაინის დასახმარებლად ათობით მილიარდი გამოიყოფა.

"ომმა უკრაინაში ძალიან კრიტიკულ მომენტს მიაღწია, საბრძოლო ველზე სიტუაცია ძალიან სერიოზულია, ამიტომ უკრაინას სჭირდება ყველანაირი მხარდაჭერა, რომლის მიღებაც შეუძლია. ზუსტად ახლა, უკრაინელებს სჭირდებათ ჩვენი იარაღი და ჩვენი მხარდაჭერა. არ არის არანაირი ნიშნები იმისა, რომ მომავალ წელს მშვიდობა იქნება, ამიტომ ჩვენ გამოვყოფთ ათობით მილიარდს 2024 წლისთვის", - განაცხადა დანიის პრემიერმა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,