ვხედავთ ანტისახელმწიფოებრივ განცხადებებს რუსული პარტიის პრემიერ-მინისტრისგან, ანტონი ღარიბაშვილისგან,- ასე აფასებს „ერთიანი ნაციონალური მოძრაობის“ თავმჯდომარე ლევან ხაბეიშვილი კატარის ყოველწლიური ეკონომიკური ფორუმის ფარგლებში გამართულ პანელურ დისკუსიაზე საქართველოს პრემიერ-მინისტრის, ირაკლი ღარიბაშვილის გამოსვლას.

ხაბეიშვილის თქმით, თუ ვინმე აქეზებს ომს საქართველოში, ეს არის „რუსული ოცნება“.

„ვხედავთ ანტისახელმწიფოებრივ განცხადებებს რუსული პარტიის პრემიერ-მინისტრისგან, ანტონი ღარიბაშვილისგან, რომელიც ამბობს, რომ თურმე უკრაინას, ამერიკას და ცივილიზებულ სამყაროს უნდა საქართველოს ომში ჩართვა. ეს, ცხადია, არის ტყუილი და რუსული პროპაგანდა. თუ ვინმე აქეზებს ომს საქართველოში, ეს არის „რუსული ოცნება“, როცა 100 000 რუსი შემოდის საქართელოში და არ დაგვავიწყდეს, რომ ხვალ შეიძლება პუტინმა თქვას, რომ ამ რუსი მოქალაქეების დასაცავად მივდივარ ახლა მე საქართველოშიო.

როცა ღარიბაშვილი ცივილიზებულ სამყაროზე ლაპარაკობს, ჯობია, რომ მე მგონი, პირი ამოიკეროს ამ მხრივ. აღარ დარჩათ პარტნიორი არსად. სადაც იყვნენ გაერთიანებული, იქიდანაც კი კინწისკვრით გამოვარდნენ“,- განაცხადა ხაბეიშვილმა.

ავტორი: ექსპრესნიუსი,

სოციალური ქსელები

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს

ჰორმუზის სრუტესთან დაკავშირებული მოლაპარაკებების ჩაშლის შემდეგ, აშშ-მ და ირანმა ორმხრივი დაბომბვები განაახლეს

ივნისში საქართველოს ექსპორტი 20%-ით, $771 მილიონ დოლარამდე გაიზარდა, იმპორტის ზრდა კი 7% იყო

თბილისის საერთაშორისო აეროპორტის გაფართოების პროექტი დაიწყო