უკრაინა რუსეთის პრეზიდენტის ადმინისტრაციაზე უპილოტო საფრენი აპარატებით იერიშის მიტანის საკითხს გამოეხმაურა.

როგორც უკრაინის პრეზიდენტის, ვოლოდიმირ ზელენსკის პრესმდივანმა, სერგეი ნიკიფოროვმა განაცხადა, უკრაინა არ ფლობს ინფორმაციას კრემლის თავდასხმებზე და აღნიშნავს, რომ ვოლოდიმირ ზელენსკი ყველა არსებულ საშუალებას მიმართავს ტერიტორიების გასათავისუფლებად და არა სხვა სახელმწიფოებზე იერიშის მისატანად.

"ჩვენ არ გვაქვს ინფორმაცია კრემლზე ე.წ. ღამის თავდასხმების შესახებ, მაგრამ, როგორც არაერთხელ განაცხადა პრეზიდენტმა ზელენსკიმ, უკრაინა ყველა არსებულ ძალასა და საშუალებას მიმართავს თავისი ტერიტორიების გასათავისუფლებლად და არა სხვებზე თავდასხმისთვის", - განაცხადა სერგეი ნიკიფოროვმა.

შეგახსენებთ, რუსეთის პრეზიდენტის ადმინისტრაციამ განაცხადა, რომ კიევი კრემლზე, ვლადიმერ პუტინის რეზიდენციაზე, დრონებით იერიშის მიტანას შეეცადა.

კრემლმა მომხდარი ტერორისტულ აქტად მიიჩნია და განაცხადა, რომ "იტოვებს უფლებას მიიღოს საპასუხო ზომები".

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე