რუსეთის შეჭრის შემდეგ, უკრაინაში 8 490 მშვიდობიანი მოქალაქე დაიღუპა, ხოლო 14 244 დაშავდა,- აღნიშნულის შესახებ ინფორმაციას გაერო-ს ადამიანის უფლებათა უმაღლესი კომისრის ოფისი ავრცელებს.

ორგანიზაციის ცნობით, გარდაცვალების შემთხვევების უმეტესობა უკრაინის მთავრობის მიერ კონტროლირებად ტერიტორიაზე და რუსული ძალების თავდასხმის ქვეშ დაფიქსირდა, მათ შორის 3 927 ადამიანი დონეცკისა და ლუგანსკის ოლქებში დაიღუპა, სადაც ინტენსიური ბრძოლები მიმდინარეობდა.

„OHCHR თვლის, რომ რეალური მაჩვენებლები გაცილებით მაღალია, რადგან ფერხდება ინფორმაციის მიღება ზოგიერთი ადგილიდან, სადაც ინტენსიური საომარი მოქმედებები მიმდინარეობს და ბევრი ცნობა ჯერ კიდევ დაუდასტურებელია“,- აღნიშნულია გაერო-ს განცხადებაში.

ამასთან, გაეროს საგამოძიებო ორგანომ გასულ თვეს დაადგინა, რომ რუსეთის ძალებმა უკრაინაზე "განურჩეველი და არაპროპორციული" თავდასხმები განახორციელეს.

აღსანიშნავია, რომ თავად რუსეთი მშვიდობიანი მოსახლეობის მიმართ მიზმანმიმართულ და სასტიკ მოპყრობას უარყოფს.

OHCHR-ის ცნობითვე, ყველაზე მეტი მშვიდობიანი მოქალაქე ლუგანსკის, ქალაქ მარიუპოლში და დონეცკის ოლქის ქალაქებში - ლისიჩანსკში, პოპასნაისა და სევეროდონეცკში დაიღუპა და დაშავდა.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე