არ მინდოდა, რომ თქვენ ყოფილიყავით საქართველოს პრეზიდენტი, მაგრამ ახლა ეს სიტყვები უკან მიმაქვს,- ასე მიმართა პარტია "მოქალაქეების" ლიდერმა, ალეკო ელისაშვილმა პრეზიდენტ სალომე ზურაბიშვილს პარლამენტის საგაზაფხულო სესიის რიგგარეშე სხდომაზე, სადაც  პრეზიდენტი ყოველწლიური მოხსენებით გამოდის.

ელისაშვილმა პრეზიდენტს ბოდიში მოუხადა და საქართველოს ევროპულ მომავალთან დაკავშირებით არსებული პოზიციის გამო, მადლობა უთხრა.

"მე ქართლელი კაცი ვარ წარმოშობით და მიკიბულ-მოკიბული ლაპარაკი არ მიყვარს - პირდაპირ ვამბობ, რასაც ვფიქრობ. მე არ მინდოდა, რომ თქვენ ყოფილიყავით საქართველოს პრეზიდენტი, მე თქვენ ძალიან მწარედ გაკრიტიკებდით. პიროვნულად არაფერს არ გერჩოდით - ქართულ ემიგრაციას წარმოადგენთ, ერთ-ერთი ხართ იმ გამქრალი ემიგრაციიდან, რომელიც გადარჩით, ქართველად დაგვიბრუნდით და ახლა უკვე პრეზიდენტი ხართ, მაგრამ მაშინ რისი მეშინოდა, რატომ არ მინდოდა თქვენი პრეზიდენტობა - იმიტომ, რომ მეშინოდა, რომ თქვენ არ იქნებით მტკიცე და თანამიმდევრული საქართველოს ეროვნული არჩევანის დაცვისას. მეშინოდა, რომ თქვენ რაღაც ზიგზაგებით ივლიდით, მაგრამ ახლა მე ეს სიტყვები უკან მიმაქვს. ახლა ღიად ვიტყვი ბოდიშს - ბოდიშს ვიხდი იმის გამო, რაც აქ მოვისმინე დღეს თქვენგან", - მიმართა ალეკო ელისაშვილმა პრეზიდენტს.

ავტორი: ექსპრესნიუსი,

სოციალური ქსელები

ტრამპი: ერაყში მეტი ჯარისკაცი არ გვჭირდება

ზელენსკი: თუ პუტინი უკრაინაში წარმატებას მიაღწევს, ახალი ქვეყნების დაპყრობას შეეცდება

ტრამპი: რუსეთის წინააღმდეგ სანქციების კანონპროექტს შესაძლოა ირანი და ჰეზბოლა დაემატოს

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს