ბათუმში ამოვარდნილმა ძლიერმა ქარმა მოსახლეობას და ქალაქის ინფრასტრუქტურას დიდი ზიანი მიაყენა.

როგორც ადგილობრივი მედია იუწყება, ძლიერმა ქარმა მოგლიჯა ხეები, სახლებს სახურავები გადახადა და დააზიანა მსუბუქი ავტომობილები.

საგანგებო სიტუაციის სამსახურში აცხადებენ, რომ მომხდარის შედეგად ათეულობით შეტყობინება მისდით, მათი თანამშრომლები კი, ყველა შემთხვევაზე ახდენენ შესაბამის რეაგირებას.

"ძლიერმა ქარმა ბათუმის სხვადასხვა ადმინისტრაციულ ერთეულებში პრობლემები შექმნა. სკვერებში, პარკებსა და ქუჩებში ხეები წაიქცა. წააქცია ავტობუსის მოსაცდელიც. გამწვანების სამსახური სალიკვიდაციო სამუშაოებს ახორციელებს. რამდენიმე მისამართზე სახურავების გადახდის ფაქტებიც დაფიქსირდა, ადგილზე მერიის წარმომადგენლები იმყოფებიან, ისინი საგანგებო რეჟიმში მუშაობენ", - აცხადებენ ბათუმის მერიაში. 

ავტორი: ექსპრესნიუსი,

სოციალური ქსელები

შსს: დარიალზე რჩება 17 პირი, უკრაინულ მხარესთან მათ სამშობლოში დაბრუნებაზე ვმუშაობთ

ბრიტანეთის თავდაცვის მინისტრი გადადგა

საქართველოს ბანკის მხარდაჭერით, ვორკშოპი „SME ლიდერობა: სწრაფი ნაბიჯებით, დიდ გზაზე“ გაიმართა

მარკუს ლამერტი: ვიზების შეზღუდვები გამოწვეულია საქართველოს მიერ ევროკავშირის წინაშე აღებული ვალდებულებების დარღვევით