რუსეთის პრეზიდენტის ვლადიმერ პუტინის განცხადება ბელორუსში ტაქტიკური ბირთვული იარაღის განლაგების შესახებ არის ნაბიჯი ქვეყნის შიდა დესტაბილიზაციისკენ, - ამის შესახებ, განაცხადა უკრაინის ეროვნული უსაფრთხოებისა და თავდაცვის საბჭოს მდივანმა ალექსეი დანილოვმა.

ალექსეი დანილოვის თქმით, ეს ნაბიჯი მაქსიმალურად ზრდის რუსეთისა და პუტინის ნეგატიური აღქმისა და საზოგადოების უარყოფის დონეს ბელორუსის საზოგადოებაში.

„კრემლმა ბელორუსია ბირთვული მძევლად აიღო“, - წერს დანილოვი Twitter-ის საკუთარ გვერდზე.

თავის მხრივ, უკრაინის პრეზიდენტის აპარატის უფროსის მრჩეველი მიხაილ პოდოლიაკი თვლის, რომ ბელორუსიაში ტაქტიკური ბირთვული იარაღის განლაგების შესახებ მისი განცხადებით, რუსეთის ლიდერი კიდევ ერთხელ აფიქსირებს მონაწილეობას დანაშაულის ჩადენაში, რადგან ამ როგორ არღვევს ხელშეკრულებას ბირთვული იარაღის გაუვრცელებლობის შესახებ.

"პუტინი ძალიან პროგნოზირებადია. ბელორუსში ტაქტიკურ ბირთვულ იარაღზე განცხადების გაკეთებისას ის აღიარებს, რომ ეშინია, წააგებს და მხოლოდ ტაქტიკით უნდა შეაშინოს", - წერს პოდოლიაკი Twitter-ზე.

შაბათს პუტინმა თქვა, რომ იგი შეთანხმდა ალექსანდრე ლუკაშენკოსთან ბელორუსის ტერიტორიაზე ტაქტიკური ბირთვული რაკეტების განთავსებაზე, რაც ეწინააღმდეგება ბირთვული იარაღის გაუვრცელებლობის ხელშეკრულებას და ბელორუსის კონსტიტუციას.

ავტორი: ექსპრესნიუსი,

სოციალური ქსელები

დრონები ურალის და პერმს, დაესხნენ თავს სადაც ლუკოილის ნავთობგადამამუშავებელი ქარხანა მდებარეობს

მოლდოვასთან საზღვარზე საკონტროლო-გამშვები პუნქტი რუსეთის საჰაერო დარტყმების გამო შეჩერდა

უკრაინამ შეიმუშავა გეგმა, რომლის მიხედვითაც მოსკოვის აეროპორტები 1000 დრონის გამოყენებით სრულად იქნება პარალიზებული.

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად