2023-03-15 10:05:22, 1555 ნახვა
ომი უკრაინაში
რუსმა ოკუპანტებმა კურახოვო დაბომბეს - დაზიანდა 8 მაღალსართულიანი შენობა
რუსი დამპყრობლები დონეცკის ოლქში, ქალაქ კურახოვოს თავს დაესხნენ. მოსახლეობის ნაწილი ელექტროენერგიის გარეშეა დარჩენილი, დაზიანდა 8 მრავალსართულიანი შენობა .
როგორც დონეცკის რეგიონალური სამხედრო ადმინისტრაციის უფროსმა, პავლო კირილენკომ განაცხადა, საარტილერიო დაბომბვის შედეგად კურახოვოში 1000-ზე მეტი მოსახლე ელექტროენერგიის გარეშე დარჩა.
მისივე თქმით, ქალაქში ელექტროენერგია აღდგება, როგორც კი უსაფრთხოების მდგომარეობა ამის საშუალებას მისცემს.
"რუსებმა კურახოვი არტილერიით დაბომბეს. წინასწარი ინფორმაციით, მსხვერპლი არ ყოფილა, მაგრამ დაზიანებულია 8 მაღალსართულიანი კორპუსი და სატრანსფორმატორო ქვესადგური",- წერს პავლო კირილენკო Telegram-ზე.
ავტორი: ექსპრესნიუსი,
epn.ge (@expressnews.ge)
