მთავარ პროკურატურაში იური ვაზაგაშვილის მკვლელობის დამკვეთზე ამ ეტაპზე არ საუბრობენ.

როგორც მთავარი პროკურორის მოადგილემ ირაკლი შოთაძემ ჟურნალისტებს განუცხადა, დამკვეთთან დაკავშირებით ვერსიები არსებობს, თუმცა ვინაობის შესახებ საზოგადოებისთვის ცნობილი მხოლოდ შესაბამისი მტკიცებულებების მოპოვების შემდეგ გახდება. 

„გამოძიება გრძელდება. ამ ეტაპზე დაკავებულია მხოლოდ შემსრულებელი, ანუ პიროვნება, რომელმაც ხელყუმბარა დადო და რომლის აფეთების შედეგადაც იური ვაზაგაშვილი დაიღუპა.  შესაბამისად,  ამ ეტაპზე მე დამკვეთებზე ვერ ვისაუბრებ. არსებობს ვერსიები, რომლებზეც საგამოძიებო ჯგუფები მუშაობენ.  რა თქმა უნდა შესაბამისი მტკიცებულებების მოპოვების შემთხვევაში ჩვენ ამის შესახებ საზოგადოებას აუცილებლად ვაცნობებთ“, – აღნიშნა შოთაძემ.

რაც შეეხება იური ვაზაგაშვილის მვკლელობას, შოთაძის თქმით, ერთ–ერთი ვერსიით ის ზურა ვაზაგაშვილის საქმის გამოძიებას უკავშირდება. 
ცნობისთვის, პროკურატურამ იური ვაზაგაშვილის მკვლელობის ჩამდენი პირი დააკავა. 
მთავარი პროკურორის მოადგილის ინფორმაციით, ის წალკის რაიონში პოლიციის ერთ–ერთი რიგითი თანამშრომელი გია სოსანაშვილია. 
მისივე თქმით, პროკურატურამ გია სოსანაშვილი გუშინ დააკავა, როდესაც ის სამსახურეობრივ მოვალეობას ასრულებდა. 
შოთაძის განცხადებით, დაკავებული ბრალს არ აღიარებს.
„თუმცა მინდა საზოგადოებას განვუმარტო, დნმ–ის კვლევა 100%–იანი უტყუარი მტკიცებულებაა და ამის საეჭვოდ და სადავოდ გახდა მეცნიერულად შეუძლებელია“, – აღნიშნა ირაკლი შოთაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან