5 კილოს შემდგომ, შემდგომი გაუარესებაა მოსალოდნელი, შეიძლება მოხდეს დამატებით მიჯაჭვულობა ლოგინზე და ვეღარ მოხდეს ფეხზე ადგომა, ხოლო 52 კილოს ჩამოშორების შემთხვევაში, ექიმები პროგნოზირებენ ლეტალურ გამოსავალს, - ასე გამოეხმაურა სახალხო დამცველის მოვალეობის შემსრულებელი გიორგი ბურჯანაძე საქართველოს მესამე პრეზიდენტის, მიხეილ სააკაშვილის ჯანმრთელობის მდგომარეობასთან დაკავშირებით კონსილიუმის დასკვნას.

მისივე თქმით, ექიმების ზოგადი შეფასებით, მდგომარეობა დამძიმებული იყო წინა ვიზიტთან შედარებით, რომელიც დეკემბერში განხორციელდა.

მან დასძინა, რომ წონის კლება არის ერთ-ერთი მიმართულება, 5,5 კილოზე მეტი ჰქონდა დაკლებული წინა ვიზიტთან შედარებით, ასევე წნევის ცვალებადობა იქნა განხილული როგორც ერთ-ერთი საყურადღებო ინდიკატორი. 

“ჩვენი ექიმების ვიზიტი განხორციელდა 19 თებერვალს, ამ ვიზიტის მიზანი იყო, რომ შეეფასებინათ იმ დროისთვის არსებული მდგომარეობა, როგორ მიმდინარეობდა მკურნალობა. ექიმების ზოგადი შეფასებით, მდგომარეობა დამძიმებული იყო წინა ვიზიტთან შედარებით, რომელიც დეკემბერში განხორციელდა, აღენიშნებოდა გარკვეული მიმართულებით გაუარესება, მაგალითად, წონის კლება არის ერთ-ერთი მიმართულება, 5,5 კილოზე მეტი ჰქონდა დაკლებული წინა ვიზიტთან შედარებით, ასევე წნევის ცვალებადობა მათი მხრიდან იქნა განხილული როგორც ერთ-ერთი საყურადღებო ინდიკატორი.  ჩვენი ექიმების პროექცირებით და პროგნოზით, დაახლოებით 5 კილოს შემდგომ, შემდგომი გაუარესებაა მოსალოდნელი, რაც გულისხმობს იმას, რომ შეიძლება მოხდეს დამატებით მიჯაჭვულობა ლოგინზე და ვეღარ მოხდეს ფეხზე ადგომა. ხოლო 52 კილოს ჩამოშორების შემთხვევაში, ექიმები პროგნოზირებენ ლეტალურ გამოსავალს”, - განაცხადა ბურჯანაძემ.

ავტორი: ექსპრესნიუსი,

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს