2023-02-21 23:45:47, 856 ნახვა
მსოფლიო
მოსკოვში სასტუმრო Moskabelmed-ს ცეცხლი გაუჩნდა
მოსკოვში, მეჟდუნაროდნაიას ქუჩაზე სასტუმრო Moskabelmed-ს ცეცხლი გაუჩნდა. ამის შესახებ ინფორმაციას რუსული გამოცემა Info 24 ავრცელებს.
თექვსმეტსართულიანი კორპუსის მეხუთე სართულიდან კვამლი გამოდის. მეხანძრეებმა ხანძრისა და კვამლისგან 11 ადამიანის ევაკუაცია მოახდინეს, მათ შორის შვიდი ბავშვია.
არსებული ცნობებით, ხანძარი მეხუთე სართულზე ერთ-ერთმა სტუმარმა გააჩინა. მამაკაცმა საერთო დერეფანში ნივთებს ცეცხლი წაუკიდა.
დედაქალაქის ტრანსპორტის დეპარტამენტი მოქალაქეებს აფრთხილებს, რომ ხანძრის გამო საერთაშორისო ქუჩის გასწვრივ მოძრაობა გადაკეტილია.
ადგილზე მობილიზებულია სახანძრო-სამაშველო ჯგუფი და მიმდინარეობს ხალხის ევაკუაცია.
ავტორი: ექსპრესნიუსი,
epn.ge (@expressnews.ge)
