თეთრი სახლი დარწმუნებულია, რომ რუსეთი მალე შეტევაზე გადავა, რის გამოც მოითხოვენ, რომ უკრაინამ გააძლიეროს თავისი წარმატებები ბრძოლის ველზე და დაიწყოს კონტრშეტევა. ამის შესახებ Politico წყაროზე დაყრდნობით წერს. 

გამოცემის ცნობით, თეთრმა სახლმა, მრავალი ოფიციალური პირის მეშვეობით, ურჩია ზელენსკის გუნდს თავდასხმისთვის მოემზადონ. ეს ყველაფერი იმის გამოც, რომ უკრაინის ევროპელი მეზობლების მხარდაჭერა შეიძლება შეზღუდვას დაექვემდებაროს.

"ამერიკის დაზვერვის შეფასებით, პუტინი თვლის, რომ მიუხედავად მისი არმიის წარუმატებლობისა, რუსეთს ჯერ კიდევ აქვს ორი გადამწყვეტი უპირატესობა: ცოცხალი ძალა და დრო. ევროპული დაზვერვა ასევე აფასებს, რომ პუტინი დარწმუნებულია, რომ მას შეუძლია დაელოდოს დასავლეთის გარდაუვალ წინააღმდეგობას",- ნათქვამია განცხადებაში.

უკრაინის თავდაცვის მინისტრმა ოლექსი რეზნიკოვმა განაცხადა, რომ უკრაინას კიდევ რამდენიმე თვე დასჭირდება დიდი კონტრშეტევის მოსამზადებლად.

ამავდროულად, სამხედრო დამკვირვებელი და პრეზიდენტის ოფისის ყოფილი მრჩეველი ოლექსი არესტოვიჩი პროგნოზირებს, რომ  უკრაინის შეიარაღებული ძალების კონტრშეტევა მოსალოდნელზე ადრე დაიწყება. 

ავტორი: ექსპრესნიუსი,

სოციალური ქსელები

ევროპის საბჭოს საპარლამენტო ასამბლეის რეზოლუციის პროექტში საქართველოში დემოკრატიის უკუსვლაზეა საუბარი

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო