მოლდოვის პრეზიდენტი მაია სანდუ მიიჩნევს, რომ ახლა მოლდოვას ნატოში გაწევრიანებაზე დისკუსიას არ აქვს პერსპექტივა რუსული პროპაგანდის ხანგრძლივი გავლენის გამო, რამაც გაანადგურა ამ ნაბიჯის საზოგადოების მხარდაჭერა.

"როდესაც ჩვენ ვხედავთ რას აკეთებს რუსეთი, ცხადი ხდება, რომ ნეიტრალიტეტი არ გვიცავს. თუმცა, ჯერჯერობით არ არსებობს საზოგადოების მხარდაჭერა ამის შეცვლაზე... მიუხედავად ამისა, ასეთი შესაძლებლობა მოლდოვაში განხილვის საგანი არ არის." - აცხადებს მაია სანდუ.

სანდუმ აღიარა, რომ მოლდოვაში არ არსებობს საჯარო კონსენსუსი ნატოში გაწევრიანებაზე განაცხადის შეტანის თაობაზე და რომ, მისი თქმით, რუსული პროპაგანდაა დამნაშავე.

ასევე მიუნხენის კონფერენციაზე სანდუმ განაცხადა, რომ რუსეთი აწარმოებს ჰიბრიდულ ომს მისი ქვეყნის წინააღმდეგ, იყენებს ეკონომიკურ ზეწოლას და პროპაგანდას.

მოვდოვის პრეზიდენტის თქმით, რუსეთის ჩარევის მიზანი მოლდოვას საქმეებში საზოგადოების დესტაბილიზაცია და ხალხის ქუჩაში გამოყვანა იყო ხელისუფლების შესაცვლელად და პრორუსული ხელისუფლების შესაქმნელად.

მან დახმარება სთხოვა საჰაერო მეთვალყურეობასა და თავდაცვაში, მაგრამ თქვა, რომ ვერ ხედავს რუსეთის მხრიდან მოლდოვაში შეჭრის უშუალო საფრთხეს.

ავტორი: ექსპრესნიუსი,

სოციალური ქსელები

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს