უკრაინაში ომის დაწყებიდან 1 წელი გავიდა და პრეზიდენტი პუტინი მშვიდობისთვის მზად არ არის,- ამის შესახებ ნატო-ს გენერალურმა მდივანმა, იენს სტოლტენბერგმა განაცხადა.

მისი თქმით, ალიანსმა  უნდა მიაწოდოს უკრაინას ყველაფერი, რაც მას გამარჯვებისთვის სჭირდება

"უკრაინაში ომის დაწყებიდან 1 წელი გავიდა და პრეზიდენტი პუტინი მშვიდობისთვის მზად არ არის. ნაცვლად ამისა, ის ახალ შეტევას ამზადებს. ამიტომ, ჩვენ უნდა მივაწოდოთ უკრაინას ყველაფერი, რაც მას გამარჯვებისთვის სჭირდება. ძირითადმა შესაძლებლობებმა, როგორიცაა საბრძოლო მასალა და სათადარიგო ნაწილები, უნდა მიაღწიოს უკრაინას მანამ, სანამ რუსეთი ბრძოლის ველზე ინიციატივის ხელში ჩაგდებას შეძლებს. სისწრაფე გადაარჩენს სიცოცხლეს. თავდაცვის მინისტრების შეხვედრაზე ასევე განვიხილავთ, თუ როგორ გავაძლიეროთ ჩვენი პრაქტიკული მხარდაჭერა ბოსნია და ჰერცეგოვინის, საქართველოსა და მოლდოვის მიმართ, რომლებიც ნატოს ღირებული პარტნიორები არიან და რუსეთის მხრიდან საფრთხის წინაშე დგანან",- განაცხადა სტოლტენბერგმა.

ცნობისთვის, ბრიუსელში ნატოს შტაბ-ბინაში „რამშტაინის“ ფორმატში მეცხრე შეხვედრა მიმდინარეობს, სადაც ერთმანეთს ალიანსის წევრი ქვეყნების თავდაცვის მინისტრები ხვდებიან.

ავტორი: ექსპრესნიუსი,

სოციალური ქსელები

ივანიშვილის წარმომადგენელი მდინარაძე ქართველ ხალხს ცენზურის უფრო გამკაცრებას და აღსრულებას პირდება

მდინარაძე ქვეყანაში ცენზურის სამსახურის ამოქმედებას კრიტიკულ მედიას და ოპოზიციას აბრალებს

უკრაინული რაკეტები ამჟამად რუსეთის რეგიონების ნახევარზე მეტს აღწევენ

Bloomberg: რუსეთის უმდიდრესი ადამიანების ქონება წლის დასაწყისიდან 4.82 მილიარდი დოლარით გაიზარდა