აშშ-ს ხელისუფლებამ გაასაიდუმლოა ფოტოები, რომლებიც, მათი აზრით, მიუთითებს იმაზე, რომ რუსეთი იარაღს ყიდულობს ჩრდილოეთ კორეის რეჟიმისგან. ამის შესახებ, თეთრი სახლის სტრატეგიული კომუნიკაციების ეროვნული უშიშროების საბჭოს კოორდინატორმა ჯონ კირბიმ განაცხადა.
2022 წლის ნოემბერში გადაღებულ ფოტოებზე ჩანს რუსული სარკინიგზო ვაგონები, რომლებიც მოძრაობენ რუსეთსა და ჩრდილოეთ კორეას შორის. აშშ-ის ხელისუფლება თვლის, რომ ვაგონების შიგნით იყო კერძო სამხედრო დაჯგუფება "ვაგნერისთვის" განკუთვნილი რაკეტები. აშშ-ს არ სჯერა, რომ ამ გადაზიდვებმა შეცვალა ომის მიმდინარეობა, თქვა კირბიმ, მაგრამ ის თვლის, რომ იარაღის მიწოდება ჩრდილოეთ კორეიდან გრძელდება.

კრიბიმ ასევე ხაზგასმით აღნიშნა, რომ ჩრდილოეთ კორეის რეჟიმისგან იარაღის შეძენა არღვევს გაეროს უშიშროების საბჭოს რეზოლუციას.
ჯერ კიდევ ნოემბერში შეერთებულმა შტატებმა გამოაცხადა, რომ რუსეთი იარაღს იძენდა ჩრდილოეთ კორეიდან. ამერიკული დაზვერვის ცნობით, ფხენიანმა გაგზავნა რუსეთში 122 და 152 მმ-იანი ჭურვები, რომლებიც შენიღბული იყო როგორც სამხედრო მარაგი ახლო აღმოსავლეთისა და ჩრდილოეთ აფრიკისთვის.

ჩრდილოეთ კორეამ უარყო ეს ბრალდებები. „ჩვენ კიდევ ერთხელ ვაცხადებთ, რომ არასდროს გვქონია „იარაღის გარიგება“ რუსეთთან და რომ არ გვაქვს ამის გეგმები მომავალში“, - განაცხადა ჩრდილოეთ კორეის თავდაცვის სამინისტრომ.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს