მაქვს იმედი, რომ ყველას მიეზღვება, ვინც ჩემი შვილის მოწამვლასა და უკანონო პატიმრობაში მიიღო მონაწილეობა, - ამის შესახებ მესამე პრეზიდენტის დედამ, გიული ალასანიამ განაცხადა.

როგორც ალასანიამ ჟურნალისტებთან საუბრისას აღნიშნა, მიხეილ სააკაშვილის ჯანმრთელობის მდგომარეობა თანდათან უარესდება და შეიძლება ყველაფერი "ძალიან ცუდად დამთავრდეს".

"ბილ ბროუდერი ჩაერთო პროცესში, რომელიც მიეხმარება ჩვენს მხარეს, რომ შედგეს მიხეილ სააკაშვილის სია - "მაგნიტსკის სიის" მსგავსი. მაქვს იმედი, რომ ყველას მიეზღვება, ვინც ჩემი შვილის მოწამვლასა და უკანონო პატიმრობაში მიიღო მონაწილეობა... მისი ჯანმრთელობა ყოველდღე უარესდება და შეიძლება ძალიან ცუდად დამთავრდეს, ვიდრე მის ორგანიზმში არის მძიმე მეტალები. მათი გამოყვანა ორგანიზმიდან აუცილებელია", - უთხრა ალასანიამ მედიის წარმომადგენლებს.

ცნობისთვის, თბილისის საქალაქო სასამართლო მიხეილ სააკაშვილის სასჯელის გადავადებაზე ან სასჯელისგან გათავისუფლებაზე ამ წუთებში მსჯელობს. 

ავტორი: ექსპრესნიუსი,

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.