ბრაზილიის პრეზიდენტმა ლუის ინასიო ლულა და სილვამ 29 დეკემბერს გარდაცვლილი ლეგენდარული ბრაზილიელი ფეხბურთელის, მსოფლიოს სამგზის ჩემპიონი პელეს გაცილების ცერემონიაში მიიღო მონაწილეობა.

ახლახან ხელახლა არჩეული სახელმწიფოს მეთაური ლულა და სილვა სანტოსში, ვილა ბელმიროს სტადიონზე ჩავიდა, სადაც ფეხბურთელის, მარსია აოკის ქვრივს მიუსამძიმრა.

განშორების შემდეგ ლულამ ტვიტერზე ცერემონიიდან ფოტო გამოაქვეყნა და დაწერა "მშვიდობით მეფე. მშვიდად განისვენე პელე".

დაკრძალვის ცერემონია პელეს საფეხბურთო კლუბ „სანტოსის“ საშინაო სტადიონზე გაიმართა, რომელშიც მან თავისი კარიერის უმეტესი ნაწილი ითამაშა.

პელე ფეხბურთის ისტორიაში ერთადერთი ფეხბურთელია, რომელმაც ნაკრებთან ერთად სამი მსოფლიო ტიტული მოიგო: 1958, 1962 და 1970 წლებში.

ბრაზილიის ნაკრებში მან 92 მატჩში 77 გოლი გაიტანა.

პელე რჩება ყველაზე ახალგაზრდა მოთამაშედ, რომელმაც გაიტანა გოლი მამაკაცთა მსოფლიო ჩემპიონატზე (ბურთი მეოთხედფინალში უელსის წინააღმდეგ 1958 წელს, ის იყო 17 წლის და 239 დღის), მსოფლიო ჩემპიონატის ყველაზე ახალგაზრდა მონაწილე, რომელმაც ჰეთ-თრიკი შეასრულა. (საფრანგეთთან მატჩში), ასევე ყველაზე ახალგაზრდა მოთამაშე, რომელმაც ფინალში გაიტანა.

ბრაზილიაში "ფეხბურთის მეფის" გარდაცვალების შემდეგ სამდღიანი გლოვა გამოცხადდა.

ავტორი: ექსპრესნიუსი,

სოციალური ქსელები

მინდია შერვაშიძე ციხიდან გამოსვლისთანავე 500 ლარით დააჯარიმეს

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა

შსს მალანიაზე: ჰქონდა ინფორმაცია ავალიანზე თავდასხმაზე და პოლიციას არ შეატყობინა

დროა: ელენე ხოშტარია ციხიდან ვივამედში გადაჰყავთ, უკვე გზაშია