სააკაშვილმა ჩაიდინა დანაშაულები და მიუსაჯეს 6 წელი. მას კიდევ 5 წელი აქვს მოსახდელი, ამიტომ, რა თქმა უნდა, საქართველოს სახელმწიფოს ინტერესშია, ის იყოს ჯანმრთელი, რომ დარჩენილი 5 წელიც მოიხადოს, - ამის შესახებ პარლამენტის თავმჯდომარემ, შალვა პაპუაშვილმა განაცხადა.

როგორც პაპუაშვილმა მედიის წარმომადგენლებს უთხრა, მესამე პრეზიდენტისა და მისი მეგობრების ინტერესია, სააკაშვილი "რაც შეიძლება დაუძლურდეს", რომ ის სასჯელისგან გაათავისუფლონ.

"ამ სასამართლოს ძირითადი მიზანი არის ის, რომ ექიმების გამოკითხვის საფუძველზე, სასამართლომ მიიღოს გადაწყვეტილება სწორედ მისი ჯანმრთელობის საკითხებთან დაკავშირებით. ამიტომ, სასამართლოს გადასაწყვეტია ეს საკითხი და მე ამასთან დაკავშირებით ვერაფერს ვერ ვიტყვი... ჩვენ, მათ შორის კლინიკიდან, ვიცით, რომ ის არ თანამშრომლობს ექიმებთან, არ ემორჩილება ექიმების მიერ დადგენილ განრიგს, თავად კლინიკის ხელმძღვანელი ლაპარაკობს ამაზე. გასაგებია, რომ ამის გამო, შეიძლება ადამიანს ჯანმრთელობის პრობლემები შეექმნას. მიხეილ სააკაშვილს და მის მეგობრებს, რომლებიც საბოლოო ჯამში, მისი ყველაზე დიდი მტრები არიან, არ უნდათ, რომ მოიხადოს სასჯელი. ის ცდილობს ყველაფერს, რომ მოძებნოს რამე მიზეზი, რომ თავი დააღწიოს სასჯელს. მან ჩაიდინა დანაშაულები და მიუსაჯეს 6 წელი. მას კიდევ 5 წელი აქვს მოსახდელი, ამიტომ, რა თქმა უნდა, საქართველოს სახელმწიფოს ინტერესშია, ის იყოს ჯანმრთელი, რომ დარჩენილი 5 წელიც მოიხადოს... კლინიკის და სახელმწიფოს მიზანია, რომ ის იყოს ჯანმრთელი და სააკაშვილისა და მისი მეგობრების მიზანია, რომ ის იყოს რაც შეიძლება დაუძლურებული", - განაცხადა შალვა პაპუაშვილმა.

შეგახსენებთ, თბილისის საქალაქო სასამართლოში მესამე პრეზიდენტის გათავისუფლების ან სასჯელის გადავადების შუამდგომლობის განხილვა მიმდინარეობს. პროცესს კლინიკა "ვივამედიდან" მიხეილ სააკაშვილი დისტანციურ რეჟიმში ესწრება. 

ექსპრეზიდენტის გათავისუფლების ან სასჯელის გადავადების მოთხოვნით, მისმა ადვოკატმა, შალვა ხაჭაპურიძემ სასამართლოს შუამდგომლობით 1-ელ დეკემბერს მიმართა.

აღნიშნულს წინ უძღოდა წამების მსხვერპლთა ფსიქოლოგიური რეაბილიტაციის ცენტრ "ემპათიას" დასკვნა, რომლის მიხედვითაც მიხეილ სააკაშვილს 20-ზე მეტი დიაგნოზი თუ სიმპტომო-კომპლექსი აღენიშნება, აქედან წამყვანია, დაახლოებით, 10 დიაგნოზი, რაც შეუთავსებელს ხდის პატიმრობას.

ავტორი: ექსპრესნიუსი,

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით