თუ პატიმარი მიზანმიმართულად არ იღებს სამედიცინო სერვისს, საზღვარგარეთ მიიღებს?!, - ამის შესახებ "ქართული ოცნების" დეპუტატმა, ანრი ოხანაშვილმა მიხეილ სააკაშვილის ჯანმრთელობის მდგომარეობაზე საუბრისას განაცხადა. 

როგორც ოხანაშვილმა ჟურნალისტებს განუცხადა, არ არის ისეთი სერვისი, რომელსაც ექსპრეზიდენტს საქართველოში ვერ სთავაზობენ და შეძლებს, რომ საზღვარგარეთ მიიღებს. 

"როდესაც პატიმარი არის ასევე პაციენტი და მას სჭირდება შესაბამისი სამედიცინო სერვისი, ფაქტია, რომ მას სხვადასხვა სერვისებს სთავაზობენ. თუ ეს პატიმარი მიზანმიმართულად არ იღებს ამ სერვისს მაშინ რა უნდა გაკეთდეს და საზღვარგარეთ მიიღებს ამ სერვისს?! ან რაზე დაყრდნობით ამბობს ვინმე, რომ საზღვარგარეთ გადაყვანა სჭირდება. რა სერვისია, რომელსაც ის საზღვარგარეთ მიიღებს და აქ მას ვერ სთავაზობენ. მე ამ შეკითხვებზე პასუხი არ მომისმენია, მარტივად, ამაზე პასუხი ვერ ექნებათ და არ აქვთ",- განაცხადა ოხანაშვილმა. 

შეგახსენებთ, რომ წამების მსხვერპლთა ფსიქოლოგიური რეაბილიტაციის ცენტრ"ემპათიის" მიერ მიხეილ სააკაშვილთან დაკავშირებით გამოქვეყნებულ კომისიური სასამართლო სამედიცინო ექსპერტიზის დასკვნაში ნათქვამია, რომ ექსპრეზიდენტს აღენიშნება 20-ზე მეტი დიაგნოზი თუ სიმპტომო-კომპლექსი, აქედან წამყვანია, დაახლოებით, 10 დიაგნოზი, რაც შეუთავსებელს ხდის პატიმრობას.

მიხეილ სააკაშვილის ჯანმრთელობის შესახებ დასკვნა მოამზადა სახალხო დამცველის კონსილიუმმაც. ოთხმა ექიმმა ექსპრეზიდენტი 5 დეკემბერს გასინჯა. ნევროლოგ თენგიზ წულაძის თქმით, მიხეილ სააკაშვილის ჯანმრთელობის მდგომარეობა აპრილთან შედარებით, "მნიშვნელოვნად" არის გაუარესებული.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”