ამერიკის შეერთებულ შტატებში ვიზიტის ფარგლებში, ფინანსთა მინისტრი ლაშა ხუციშვილი და ეროვნული ბანკის პრეზიდენტი კობა გვენეტაძე საერთაშორისო სავალუტო ფონდის დირექტორის მოადგილეს, ბო ლის შეხვდნენ. აღნიშნულ ინფორმაციას ფინანსთა სამინისტრო ავრცელებს.

უწყების ცნობით, შეხვედრაზე განიხილეს ქვეყნის მიმდინარე და 2023 წლების მაკროეკონომიკური და ფისკალური პარამეტრები, მონეტარული პოლიტიკის საკითხები.

იმსჯელეს უკრაინაში მიმდინარე საომარი მოქმედებების გავლენაზე რეგიონსა და მსოფლიოში.

აღინიშნა, რომ გამოწვევების მიუხედავად, საქართველოს ეკონომიკა წელს მაღალი ტემპით იზრდება. ამასთან ითქვა, რომ მნიშვნელოვანია გონივრული მაკროეკონომიკური პოლიტიკის გაგრძელება.

საუბარი შეეხო სსფ-ის პროგრამით გათვალისწინებული რეფორმების მნიშვნელობას ქვეყნის ეკონომიკის მდგრადობისა და საშუალოვადიან პერსპექტივაში ეკონომიკის ზრდის ხელშეწყობის პროცესში.

შეხვედრის დასასრულს, მხარეებმა საქართველოსა და საერთაშორისო სავალუტო ფონდს შორის ურთიერთობის შემდგომი განვითარების მზაობა გამოხატეს.

ავტორი: NS (სტატია დაფინანსებულია),

სოციალური ქსელები

რუსეთის საგარეო საქმეთა სამინისტრომ საქართველოს ხელისუფლებას რუსოფობიის თავიდან აცილებისკენ მოუწოდა

რუსეთი საქართველოსა და მოლდოვას ოკუპირებული რეგიონებისთვის მოქალაქეობის მინიჭების საფასურს ცხრაჯერ შეამცირებს

ზახაროვა: დიპლომატიური ურთიერთობების აღდგენის ინიციატივა საქართველოდან უნდა მოდიოდეს

ყოფილმა პრემიერმა ციხიდან გავრცელებულ წერილში ხელისუფლება შანტაჟში დაადაშაულა