მოსკოვში ანტისაომარი განწყობებით ცნობილი აქტივისტი და პოეტი არტიომ კამარდინი აწამეს და გააუპატიურეს მას შემდეგ, რაც მან 25 სექტემბერს, მოსკოვის ცენტრში, სამხედრო მობილიზაციის წინააღმდეგ გამართულ ღონისძიებაში მიიღო მონაწილეობა. აღნიშნულ ინფორმაციას Настоящее Время ავრცელებს.

გამოცემის ცნობით, კამარდინი 26 სექტემბერს, აქტივისტებთან - ალექსანდრა პოპოვასა და ალექსანდრე მენიუკოვთან ერთად, საკუთარ ბინაში დააკავეს, შემდეგ კი, ტვერსკოის ოლქის საგამოძიებო განყოფილებაში გადაიყვანეს.

Настоящее Время-ს ინფორმაციითვე, უშიშროების ძალებმა დაკავებისას კამარდინი სცემეს, გააუპატიურეს, აღნიშნული ძალადობა კი, გადაიღეს და ალექსანდრა პოპოვას აჩვენეს. 

პოპოვა აცხადებს, რომ უშიშროების ძალები მასაც დასცინოდნენ და გაუპატიურებით ემუქრებოდნენ.

კამარდინსა და კიდევ ორ აქტივისტზე აღძრულია სისხლის სამართლის საქმე სიძულვილის გაღვივების მუხლით.  

ავტორი: ექსპრესნიუსი,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა