რუსეთი ყველაფერს გააკეთებს იმისთვის, რომ მტრულად განწყობილ მეზობლებში ბირთვული იარაღი არ გაჩნდეს, - ამის შესახებ ტელეგრამ არხზე რუსეთის უშიშროების საბჭოს თავმჯდომარის მოადგილემ, დიმიტრი მედვედევმა დაწერა.

მედვედევის თქმით, რუსეთისთვის მიუღებელია ბირთვული იარაღის გაჩენა კონკრეტულად უკრაინაში, თუმცა როგორც უშიშროების საბჭოს თავმჯდომარის მოადგილე ამბობს, რუსეთს უფლება აქვს, ბირთვული იარაღი გამოიყენოს.

"ჩვენ ყველაფერს გავაკეთებთ იმისთვის, რომ ჩვენს მიმართ მტრულად განწყობილ მეზობლებში ბირთვული იარაღი არ გამოჩნდეს. მაგალითად, ნაცისტურ უკრაინაში, რომელსაც დღეს უშუალოდ აკონტროლებენ ნატო-ს ქვეყნები. საჭიროების შემთხვევაში რუსეთს უფლება აქვს, გამოიყენოს ბირთვული იარაღი წინასწარ განსაზღვრულ შემთხვევებში ბირთვული შეკავების სფეროში სახელმწიფო პოლიტიკის საფუძვლების მკაცრად დაცვით თუ ჩვენ ან ჩვენს მოკავშირეებს თავს დაესხმებიან ამ ტიპის იარაღის გამოყენებით ან თუ აგრესიის დროს გამოყენებული ჩვეულებრივი იარაღით საფრთხე შეექმნება ჩვენი სახელმწიფოს არსებობას“, - წერს მედვედევი.

შეგახსენებთ, რომ 21 სექტემბერს, ვლადიმერ პუტინი მთელ მსოფლიოს ბირთვული იარაღით დაემუქრა. პუტინის თქმით, რუსეთი „გამოიყენებს ყველა შესაძლო საშუალებას, ეს ბლეფი არ არის“.

ავტორი: ექსპრესნიუსი,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა