2022-08-09 10:41:06, 899 ნახვა
მსოფლიო
FBI-ს აგენტებმა ფლორიდაში დონალდ ტრამპის სახლი გაჩხრიკეს
აშშ-ს ყოფილი პრეზიდენტი, დონალდ ტრამპი ამბობს, რომ მისი სახლი ფლორიდაში FBI-ს აგენტებმა გაჩხრიკეს,- აღნიშნულის შესახებ ინფორმაციას გამოცემა CNN-ი ავრცელებს.
ტრამპის თქმით, FBI-ს აგენტებმა ჩატარებული ჩხრეკისას, მისი სეიფიც გატეხეს.
„ჩემი ლამაზი სახლი, მარ-ა-ლაგო პალმ ბიჩში, ფლორიდაში, ამჟამად ალყაშია, დარბეულია და დაკავებულია FBI-ს აგენტების დიდი ჯგუფის მიერ“,- განაცხადა ტრამპმა.
CNN-ის ცნობით, იუსტიციის დეპარტამენტს ტრამპის წინააღმდეგ ორი გამოძიება აქვს დაწყებული, საიდანაც ერთ-ერთი საიდუმლო დოკუმენტების გატანა-დამუშავებას ეხება, რომლის ფარგლებშიც ჩატარდა ჩხრეკა.
ავტორი: ექსპრესნიუსი,
epn.ge (@expressnews.ge)
